曜 (已結業)

同朋友嚟到食lunch，幾好食！環境十分舒適。座位間隔得夠遠，唔會擁擠，可以好好享受餐飲體驗🥢。服務員都好友善，態度親切。前菜幾特別，花膠果凍。一放入口就感受到花膠嘅鮮美滋味，仲有果凍嘅清脆口感，好有層次感！除左果凍，仲有茶碗蒸。裡面有好多蟹肉，加埋d 蛋，真係好香！主食方面，我地叫左A4 和牛丼同埋刺身定食配牛油炒飯。A4 和牛丼嘅和牛粒粒都好鮮嫩多汁，每一口都令我回味無窮😋。而刺身定食嘅新鮮刺身質素都好好，有拖羅、金目鯛、赤蝦、帆立貝、池魚同真鯛，真係好多種類，好新鮮！最特別嘅係佢配咗牛油炒飯，飯粒鬆軟，加上牛油香氣，味道更加豐富👏🏻。最後再多個鯛魚湯，好有鮮魚味，勁正！💯