影片
更多
2022-10-27
46 瀏覽
☘︎𝙼𝚒𝚣𝚞喺佐敦德興街有間食日式串燒嘅居酒屋，我哋就趁放假嚟咗呢度食嘢順便飲番杯🍻♡鹿兒島A5和牛半份（$388）話明係A5和牛，佢嘅脂肪好平均咁分布喺成塊肉度，望落好靚之餘，仲有入口即溶嘅口感，雖然本身我都係好怕油膩嘅人，但係間唔中食一次邪惡一下都無妨～本身師傅已經調咗味，不過佢哋彈性嘅地方在於隻碟側邊仲有啲鹽，如果覺得唔夠都可以再點多啲嚟食，個人就覺得師傅本身做嘅調味已經好足夠，太重口味會影響咗本身和牛嘅味道♥︎花魚一夜干（$128）望上去看似冇咩特別，但係實質佢就外面乾身，但係裏面除咗有紮實飽滿嘅口感之外，仲保存左花魚原本嘅鮮味。雖然曾經風乾冷藏，但係肉質仍然好鮮嫩。我哋切開佢嘅時候，啲煙仲慢慢噴上嚟，濕度同溫度都控制得啱啱好！♡爐燒乾物拼盤（$128）呢個拼盤入邊有雞泡魚乾、賴尿蝦乾同埋蝦米仔，佢哋都燒到乾身有咬口，連埋沙律醬當小食食真係一流。個人最鍾意嘅就係雞泡魚乾，粗幼度啱啱好，而且味道口感都唔錯！另外仲有串燒、甜品同啤酒一樣正❤️可惜嘅就係我哋星期日去，當日bartender啱啱放假，試唔到呢度嘅Cocktail，下次有機會一定要再嚟！@mizu__hk 💰人均消費：約$50
喺佐敦德興街有間食日式串燒嘅居酒屋，我哋就趁放假嚟咗呢度食嘢順便飲番杯🍻
♡鹿兒島A5和牛半份（$388）
話明係A5和牛，佢嘅脂肪好平均咁分布喺成塊肉度，望落好靚之餘，仲有入口即溶嘅口感，雖然本身我都係好怕油膩嘅人，但係間唔中食一次邪惡一下都無妨～本身師傅已經調咗味，不過佢哋彈性嘅地方在於隻碟側邊仲有啲鹽，如果覺得唔夠都可以再點多啲嚟食，個人就覺得師傅本身做嘅調味已經好足夠，太重口味會影響咗本身和牛嘅味道
♥︎花魚一夜干（$128）
望上去看似冇咩特別，但係實質佢就外面乾身，但係裏面除咗有紮實飽滿嘅口感之外，仲保存左花魚原本嘅鮮味。雖然曾經風乾冷藏，但係肉質仍然好鮮嫩。我哋切開佢嘅時候，啲煙仲慢慢噴上嚟，濕度同溫度都控制得啱啱好！
♡爐燒乾物拼盤（$128）
呢個拼盤入邊有雞泡魚乾、賴尿蝦乾同埋蝦米仔，佢哋都燒到乾身有咬口，連埋沙律醬當小食食真係一流。個人最鍾意嘅就係雞泡魚乾，粗幼度啱啱好，而且味道口感都唔錯！
另外仲有串燒、甜品同啤酒一樣正❤️可惜嘅就係我哋星期日去，當日bartender啱啱放假，試唔到呢度嘅Cocktail，下次有機會一定要再嚟！
@mizu__hk
💰人均消費：約$500
📍佐敦德興街3號地下
張貼
