陶源酒家 (已結業)

估唔到喺沙咀道，環球中心這些工業區裏面，都會開了一間陶源酒家，呢間酒家我之前都食過，不過喺尖沙咀，今日專誠同家人嚟試下 嘆下早餐！估不到早茶非常之優惠， 雖然價錢優惠，但係食物仍然保持一等一嘅酒樓水準！翡翠魚蓉腸粉，皮非常薄而且晶瑩剔透，真係唔係一般酒樓可以做到呢個水準，而且魚蓉入口，十分香甜！鮮蝦菜苗餃， 蝦肉爽口新鮮！蟲草花棉花雞， 真材實料，蟲草花配上啖啖雞肉，鮮甜美味，仲有大大隻爽口嘅冬菇！家鄉茶果 十分軟綿， 入口煙韌！