享樂烘焙

營業中

休息中

新蒲崗台日系既麵包店有兩間，嚐麥手作同享樂烘焙，兩者都係用靚麵粉靚牛油作招徠。享樂烘焙比較近酒店同鑽石山地鐵站，店比較大，品項亦較多。久唔久有試食，放工時間成日有人龍。今次買左煙薰桂圓核桃包同芝士法包。(嚐麥有類似既無花果桂圓麵包) 據說煙薰桂圓係來至台灣，食落香氣十足，甜甜的，份量都唔少。不過我覺得麵包比較乾身，口感一般，唔太推薦。芝士法包真係有驚喜！滿滿芝士，法包脆，有少少嚼頭，呢個都幾好味！之前食過佢既明太子法包，同樣推薦~享樂烘焙我都試得七七八八，唔算平，但面飽質素都幾高，另外蝴蝶酥味道都唔錯~