影片
更多
2021-05-19
261 瀏覽
閒日約咗朋友共進晚餐，因為我哋都好掛住燒肉，所以揀咗呢間位於銅鑼灣嘅任食燒肉店。一出𨋢就見到大大個poster 寫住和牛放題2小時（$438/位），賣相好吸引就一於嗌喇。呢度係用手機掃QR code 落單的，餐廳真係好鬼守時，因為呢個QR code過咗120分鐘就唔會生效。一坐低就有海鮮拼盤，分別有鮑魚、生蠔、甲羅燒、大蝦同扇貝，真係勁豐富！店員好細心，會定時定候會過嚟check下啲海鮮熟未，仲會幫我哋去殼起肉，果然服務周到。每一塊和牛都會有個標籤去解説係牛嘅咩部分，佢哋都係鹿兒島A4同A5嘅黑毛和牛。真係好高質，尤其是係牛肩肉同埋牛大三角。佢哋嘅油脂分佈，燒耐咗少少都冇韌感，仲有點入口即溶感覺。估唔到呢一間燒肉店嘅壽司會咁高質。其中左口魚同魚子軍艦壽司係最好食，忍唔住encore咗幾轉。魚生都有得嗌！帶子同甜蝦非常甜美。仲有天婦羅、雞翼、味噌湯等小食，同埋豬肉、雞肉、蔬菜等等都一樣可以點嚟燒。飲品係自助形式，除咗汽水外，仲有凍茶同啤酒等等。最後仲有movenpick雪糕食，大滿足！
一出𨋢就見到大大個poster 寫住和牛放題2小時（$438/位），賣相好吸引就一於嗌喇。呢度係用手機掃QR code 落單的，餐廳真係好鬼守時，因為呢個QR code過咗120分鐘就唔會生效。
一坐低就有海鮮拼盤，分別有鮑魚、生蠔、甲羅燒、大蝦同扇貝，真係勁豐富！店員好細心，會定時定候會過嚟check下啲海鮮熟未，仲會幫我哋去殼起肉，果然服務周到。
每一塊和牛都會有個標籤去解説係牛嘅咩部分，佢哋都係鹿兒島A4同A5嘅黑毛和牛。真係好高質，尤其是係牛肩肉同埋牛大三角。佢哋嘅油脂分佈，燒耐咗少少都冇韌感，仲有點入口即溶感覺。
估唔到呢一間燒肉店嘅壽司會咁高質。其中左口魚同魚子軍艦壽司係最好食，忍唔住encore咗幾轉。
魚生都有得嗌！帶子同甜蝦非常甜美。
仲有天婦羅、雞翼、味噌湯等小食，同埋豬肉、雞肉、蔬菜等等都一樣可以點嚟燒。
飲品係自助形式，除咗汽水外，仲有凍茶同啤酒等等。
最後仲有movenpick雪糕食，大滿足！
張貼
