日日香鵝肉飯店 (希慎廣場) (已結業)

難得放假， 去咗銅鑼灣誠品書店行逛一下。記得那裏有一層喺food court， 整體嚟講係集合 多間食肆， 各人鍾意食邊間可以買完一齊吃。Food court面積唔算好大， 仲要隔開坐，所以先搵位呀～各間食肆中， 就只有這間『日日香鵝店』冇試過。 睇落唔錯， 有齊各款潮州鹵水～ 仲有馳名 潮州鹵水鵝。 一於揀這款 「鹵水鵝皇飯」$138， 樣樣都有齊： 鵝片，鵝腸，鵝肝，腎。鵝片夾起好輕盈，肉質軟熟鬆化， 味道甘香， 鹵水嘅味道啱啱好，唔會蓋過鵝味， 鵝皮脂肪唔算厚， 整體好高質素！另外也想讚佢嘅鵝腸， 夠爽脆唔韌， 愈嚼愈好味，又唔多肥膏。 鹵水鵝肝細細塊，得兩片，夠甘香，小食多滋味！魚春卷肉質紮實， 外皮酥脆反而鵝腎又冇咩特別。鵝皇飯 裏面還有精彩嘅配菜， 辣菜脯和鹹酸菜粒。 前者少少辣，好好餸飯！👍 鹹酸菜夠爽脆 酸酸甜甜！還點了一份鵝翼$44， 大大隻嘅鵝翼斬開幾件， 仲有鹵水豆腐卜墊菜， 非常美味！Counter 仲有醋汁，鹵水汁可自行添加。鹵水食物精緻高檔， 尤其鹵水鵝肉質嫩滑， 鹵水沒有雜質怪味， 鹵水鵝味不要錯過。