影片
更多
2025-05-01
29 瀏覽
非打手，第三次嚟食，誠意推介嘅火鍋。位置好、裝修骨子、店員親切、食物新鮮大盤好味道。好高水準。 ✦ 前菜腌蘿蔔微酸、份味，非常開胃。師傅另外特意送咗個細青瓜牛舌絲請我哋試，麻辣、爽口、帶牛香，幾惹味。 ✦ 黑毛豬肋骨湯底提前訂的話，四位送呢個湯底。以黑毛豬肋骨製成，色澤奶白、味道鮮甜、略帶胡椒香。食過卜卜蜆鍋、無老辣鍋都好食。 ✦ 安格斯封門柳色澤紅潤、油脂分佈均勻、口感爽彈、肉味濃郁、略帶脂香。非常新鮮、高質嘅肉片。 ✦ 豬肉片拼羊肉片同樣新鮮。豬肉片肥瘦三七左右，入口即浴。羊肉片羊肉味突出，非常騷香。 ✦ 餃子拼盤賣相精美、即叫即包。包括雲吞、水餃、韭菜餃，皮薄餡靚，材料充足，食落肉質爽彈，皮略有口感。 ✦ 牛腸清得好乾淨，口感爽脆，油脂豐富。 ✦ 牛骨髓拼黑柏葉大讚。出面食咁多次牛骨髓，幾乎次次食壞肚，有陣陣腥臭。呢間餐廳處理得非常好，質感嫩滑如豆腐，牛油味非常香濃。絕對值得一試。 ✦ 魚皮上枱係啱啱炸起，仲熱到辣嘴，非常香脆、油味唔重。 店舖仲提供十到廿人唱k包廂，下次約多啲人再返嚟食。
✦ 前菜
腌蘿蔔微酸、份味，非常開胃。師傅另外特意送咗個細青瓜牛舌絲請我哋試，麻辣、爽口、帶牛香，幾惹味。
✦ 黑毛豬肋骨湯底
提前訂的話，四位送呢個湯底。以黑毛豬肋骨製成，色澤奶白、味道鮮甜、略帶胡椒香。食過卜卜蜆鍋、無老辣鍋都好食。
✦ 安格斯封門柳
色澤紅潤、油脂分佈均勻、口感爽彈、肉味濃郁、略帶脂香。非常新鮮、高質嘅肉片。
✦ 豬肉片拼羊肉片
同樣新鮮。豬肉片肥瘦三七左右，入口即浴。羊肉片羊肉味突出，非常騷香。
✦ 餃子拼盤
賣相精美、即叫即包。包括雲吞、水餃、韭菜餃，皮薄餡靚，材料充足，食落肉質爽彈，皮略有口感。
✦ 牛腸
清得好乾淨，口感爽脆，油脂豐富。
✦ 牛骨髓拼黑柏葉
大讚。出面食咁多次牛骨髓，幾乎次次食壞肚，有陣陣腥臭。呢間餐廳處理得非常好，質感嫩滑如豆腐，牛油味非常香濃。絕對值得一試。
✦ 魚皮
上枱係啱啱炸起，仲熱到辣嘴，非常香脆、油味唔重。
店舖仲提供十到廿人唱k包廂，下次約多啲人再返嚟食。
張貼
