影片
更多
2022-10-11
182 瀏覽
其實今次去長沙灣本身想去食壽司郎，點知六點鐘已經無籌啦😅！唯有係周圍揾食啦！竟然俾我發現到間食特色南美菜嘅餐廳！估唔到長沙灣竟然有得食，一直以為依啲菜式只係中環先有得食🍽今次意間餐廳叫Amusement Eatery 首先我係俾佢嘅霓虹燈裝修吸引，所以去睇吓個餐牌有咩食。當中有秘魯阿根廷南美等等不同菜色，咁就試吓啦^_^首先叫咗杯特色菠蘿水果茶同南美檸檬梳打好清新開胃，味道濃郁又唔會太甜🥰第一次嚟當然就問下店員有咩推介啦！佢就推介左我秘魯燒有機走地雞🐥喺等待嘅期間廚房不停傳出非常香嘅燒烤味，原來就係我意隻雞啦！一上枱左右兩邊嘅食客都即時望住因為實在太香啦😍！用上當地香料燒成！非常惹味帶辣味！辣度BB辣一般大人都食到嘅！再配上特色自製辣醬辣味更上層樓🌶好過癮！雞肉能保持嫩滑多汁，雞皮又可以燒得香口！一試難忘😍太有驚喜！必食推介😍👍🏻第二道烤西班牙豬胺羅望子醬用咗18個鐘慢煮而成，能保持肉汁！配上酸酸甜甜帶少許薑味的羅望子醬好夾！有點似蘋果醬配豬的感覺！能平衡油膩感！第三樣南美特色烤肉飯原來係委內瑞拉嗰邊嘅All day breakfast 因為嗰邊需要高熱量勞動工作多，所以呢佢哋早餐呢都
其實今次去長沙灣本身想去食壽司郎，點知六點鐘已經無籌啦😅！唯有係周圍揾食啦！
竟然俾我發現到間食特色南美菜嘅餐廳！
估唔到長沙灣竟然有得食，
一直以為依啲菜式只係中環先有得食🍽
今次意間餐廳叫Amusement Eatery
首先我係俾佢嘅霓虹燈裝修吸引，所以去睇吓個餐牌有咩食。當中有秘魯阿根廷南美等等不同菜色，咁就試吓啦^_^
首先叫咗杯特色菠蘿水果茶同南美檸檬梳打
好清新開胃，味道濃郁又唔會太甜🥰
第一次嚟當然就問下店員有咩推介啦！
佢就推介左我秘魯燒有機走地雞🐥
喺等待嘅期間廚房不停傳出非常香嘅燒烤味，原來就係我意隻雞啦！一上枱左右兩邊嘅食客都即時望住因為實在太香啦😍！用上當地香料燒成！非常惹味帶辣味！辣度BB辣一般大人都食到嘅！再配上特色自製辣醬辣味更上層樓🌶好過癮！雞肉能保持嫩滑多汁，雞皮又可以燒得香口！一試難忘😍太有驚喜！必食推介😍👍🏻
第二道烤西班牙豬胺羅望子醬
用咗18個鐘慢煮而成，能保持肉汁！配上酸酸甜甜帶少許薑味的羅望子醬好夾！有點似蘋果醬配豬的感覺！能平衡油膩感！
第三樣南美特色烤肉飯
原來係委內瑞拉嗰邊嘅All day breakfast
因為嗰邊需要高熱量勞動工作多，所以呢佢哋早餐呢都會食飯嘅。配上青蕃茄醬點肉類，變得清新解油膩感^_^
黑豆需要煮十個鐘嫁！事前功夫都唔少！
意個飯係本身有味嘅，撈埋黑豆蛋汁一齊食！
好豐富😝仲有芝士香蕉帶甜味道！
如果叫兩個主菜的話，就一人兩份share比較好！因為係好飽㗎！
最後當然就要叫返個甜品作結啦！
今次就叫咗個南美特色粟米芝士蛋糕！
呢個下一個硬芝士蛋糕內有粟米粒外面又有烤粟米粒而成！好濃郁香甜！烤過嘅粟米係真係特別甜㗎！好好味😋好完美
張貼
