蘇媽.蘇媽馬來西亞茶餐室 (已結業)

以前一諗起食馬來西亞食物，就一定去蘇媽蘇媽度食，但因為近幾個月少左出荃灣，就少食左佢，但估唔到今日行開尖沙咀，估唔到有分店，咁梗係食佢啦。蘇媽蘇媽出左名係個肉骨荼，仲可以免費無限添加湯。咁耐無食，就梗係叫返個肉骨茶，今次就揀左個三層肉，呢排天氣開始轉凍，飲肉骨茶就岩晒。可以暖身，而三層肉顧名思義就係一層肥肉一層瘦肉，沾埋醬，個口感同味道，真係無得輸，好味。另外，高佬麵配雞扒，份量極多，麵、醬汁、流心蛋、配料係分開上，未撈埋一齊，你可以因應自己口味去撈，咁我就梗係見咩有咩，就撈埋一齊。因為麵沾上左流心蛋，食落特別滑，再加埋魚乾、花生，就更加香口。仲有一樣，就係黎襯都必叫椰香咖央多士，個多士烤到好脆物，再加埋牛油同一層班蘭醬，個甜度岩岩好，唔係死甜。最後，飲品叫左冬瓜龍眼茶，同埋椰汁斑斕冰，兩杯甜度都岩岩好，而個椰汁斑斕冰飲落有小小似椰汁西米露口感，味道都唔錯。