囍筷

營業中

休息中

我又要去到寶馬山搵食啦，囍筷算係我呢頭最常食嘅餐廳。午餐選擇唔多，得A-F餐同常餐。我叫咗A餐：香茅雞扒飯，熱朱古力。（學生價：$40) 睇圖都見到塊雞扒又厚又大塊，咬落又唔到好un，面頭個雞皮仲煎到脆脆地。最驚喜嘅係鼓油汁！隱藏咗喺飯底，撈勻左之後會有好香嘅香茅味～但配菜略嫌太少，只有兩塊翠肉瓜。可惜，呢間餐廳係用塑膠匙羹、塑膠叉、即棄筷子太唔環保了，而且佢嘅膠叉連雞扒都吉唔到，好浪費。希望小店可以控制成本嘅時候考慮對環境傷害減到最低就好了。