蘭特餅店 (已結業)

三號風球下大雨又大風，最好就係行商場，是日就同咗家人出嚟奧海城。行完街食完嘢，就諗住去麵包舖買定啲蛋糕點心咁，經過蘭特餅店見佢櫥窗啲蛋糕幾吸引，價錢仲相當貼地，就要幾款蛋糕同餅乾啦。⭐即食花膠當我喺櫥窗揀緊蛋糕嗰陣，家人發現左有即食花膠，見佢包裝精美，就揀咗鮮人參花膠同楊枝甘露花膠，當今晚甜品先。呢款花膠好方便，即開即食，入面真係有唔少花膠喎。鮮人參口味有片片人參，微甜帶小小參嘅甘味。另一款楊枝甘露花膠就奶味較重，比人參口味略甜，我覺得呢款雪凍好食啲😋⭐紫薯卷蛋見顏色好吸引就揀咗條紫薯卷蛋，打開盒已經聞到紫薯味，蛋糕十分軟腍，仲有滑滑嘅忌廉，好好食。⭐合桃咖啡蛋糕 & ⭐朱古力蛋糕另外家人仲揀咗咖啡蛋糕同朱古力蛋糕，口感係鬆軟嘅海綿蛋糕，朱古力味極濃，微甜不膩，家人就鍾意咖啡蛋糕嘅咖啡香味，同樣都係低糖微甜嘅。⭐原味蝴蝶酥 & ⭐南瓜杏片酥最後仲揀咗兩個罐裝餅乾（？），諗住放喺公司做零食😆蝴蝶酥相當鬆脆充滿牛油香，南瓜杏片收上面滿滿都係南瓜籽同杏仁碎，呢兩款零食一開封就停唔到口，好邪惡呀。估唔到樣樣都咁好食，一拎到返屋企就畀家人搶住食，哈哈，佢哋仲話買得少，應該要再買多幾款喎😆