花斑茶社 (Smithfield Walk) (已結業)

西環堅尼地城海旁一帶好靚，成區既感覺都好悠閒好舒服，今個weekend終於有機會黎拍拖😛正當食完野想揾個地方買杯野飲，竟然見到呢度原來都有花斑茶社！即時去幫襯，因為上次係尖沙咀飲完對佢實在係念念不忘！一到店面好驚喜，因為原來呢間分店極深黃，成間店都係連儂牆，仲要勁多文宣，不得了，更加鐘意呢間茶舍。今次當然要encore 佢杯黑糖珍珠厚鮮奶，之後仲買左杯抺茶珍珠鮮奶。因為客人源源不絕，所以都要等一陣，但睇下d memo紙同文宣，時間都好快過。黑糖珍珠厚鮮奶，都唔洗多講，都係果句，絕對係市面上最好味最抵飲最正既一杯黑糖珍珠厚鮮奶，無得彈，啲奶好香滑，啲黑糖份量剛好，珍珠彈牙，賣相又靚，總之所有野都恰到好處哈哈哈，不得了，係必叫之選。抺茶珍珠鮮奶未試過加其他料既黑糖珍珠飲品，我覺得都幾特別，有抺茶味，呢個配搭係甜中帶點苦澀中和返，整體上就甜度細d，而我鐘意飲抺茶～ 不過因為原味實在太屈機、所以呢杯飲落就無咁驚嘆，兩杯入面我鐘意另一杯多啲～下次再試埋其他款式😍