樂湯雞麵館 (登龍街) (已結業)

今日同男友去行街街，大家都肚餓想食野先，係網上見到一間食雞小店*樂湯雞麵館*，我地覺得幾特別去試下。店內都幾清潔食物選擇多，我地揀2個主食+2個小食+雞湯豆漿正常，唔太甜。雞湯，飲落飲得出唔係味精湯，雞味濃郁，最重要唔膩藥膳醉雞+刀削麵先到，雞大大份，而且厚肉又滑，冇雪藏味，而且酒味唔算太重，刀削麵口感不錯，夠彈牙至尊鮑魚雞大碗飯，大大碗，我男友都話夠食，飯粒粒分明，軟硬適中，配上鮑魚汁，男友話白切雞雞味夠又滑，配上濃味鮑魚，食慾大增小食我地叫左醉豬手+花膠魚翅餃，豬手大大份，肉質軟淋，肥而不膩，花膠魚翅餃皮薄，配料夠而且彈牙，不錯我地食到好飽，而家仲做緊9折優惠唔收加一，埋單$267，以銅鑼灣黎講好抵食，值得再黎惠顧