樂園 (已搬遷) 新店位置

今日同朋友嚟到樂園Happyland，就係想試佢杯我愛金沙，因為上網見到好大一杯，而且造型仲好突出添！所以我哋好不猶豫就決定呢一間食飯，順便可以傾吓計我地叫咗個小食拼盤，三款小食加埋都只係＄178，呢三款小食分別係韓國泡菜豬肉釀雞翼，炸魚手指同芝士焗有機大傘菇而我最鍾意嘅就係芝士焗有幾大傘菇，真係不得不讚，因為冇諗過個菇可以咁juicy,一咬上去啲汁全部流晒出嚟，再加上佢表面嗰層芝士都好突出，兩者一齊食落去個配搭一流，個菇可以中和返芝士味，食落去唔會咁(利)另外嗰個雞翼都非常之重要，因為好少食到，都好特別，而且啲雞翼嘅肉質非常滑，一啲都唔老，幾有水準最後嗰個炸魚手指，就普普通通冇咩特別，不過配埋佢嘅酸忌廉醬汁都食都幾好食仲有另外個煙腩蛋黃忌廉扁意粉，好重忌廉香味，意粉都好爽，不過一個人食嘅話就感覺有啲多，好大份！最後當然唔少得係炎炎盛夏喝著透心涼既特濃金莎朱古力雪冰，杯我愛金莎大杯到2人Share一杯都得！朱古力非常濃郁，唔會太甜~最重要造型超吸睛，仲有一粒金莎係頂，拎黎影相呃like無得頂！