更多
2021-11-24
1302 瀏覽
早兩日家姐介紹我去間日式餐廳，佢話係佢近來食過數一數二抵食既午市Omakase💛不論係松套餐($298)或者竹套餐($688)都係會令人喜出望外既，咁家姐都講到咁，緊係馬上起行喇😆去到餐廳既時候我最後係選左個竹套餐，同大家分享下用餐體驗先。※環境點評※餐廳環境方面係日式餐廳常見既格局，廚師吧檯後有和風美人臥睡圖成個觀感都幾fit,可惜其他環境部分只算不過不失，末有令人驚喜的地方。※服務點評※基本嘅服務其實都相應俱全，老闆亦都好專業好細心咁解釋晒所有食物應該有嘅食法、先後次序、食物簡介，可惜整餐體驗卻因部份事件令用餐體驗大為下降，女生待應態度容易讓人感到不悅☹️同時12時20分入席 卻3點才完成用餐，部分客人比我遲來半小時在叫同一套餐情況下卻可以比我們早完成用餐，可以想像到上餐速度有多誇張地慢🙃※食物點評※🥢三點前菜 （安康魚肝、帶子裙邊、鱈魚白子）*魚肝甚香，帶子口感一流，反而鱈魚白子稍為失色。🥢刺身三貫 （日本真蠔🦪、金箔赤海蝦🦐、caviar海蝦 🦐）*真蠔驚喜地大和肥美，赤海蝦同埋海蝦係用點心嘅形式present出嚟，賣相心思同打卡都係一流，只可惜蝦餃皮同埋刺身嘅鮮味有少少不配搭，
不論係松套餐($298)或者竹套餐($688)都係會令人喜出望外既，咁家姐都講到咁，緊係馬上起行喇😆
去到餐廳既時候我最後係選左個竹套餐，同大家分享下用餐體驗先。
※環境點評※
餐廳環境方面係日式餐廳常見既格局，廚師吧檯後有和風美人臥睡圖成個觀感都幾fit,可惜其他環境部分只算不過不失，末有令人驚喜的地方。
※服務點評※
基本嘅服務其實都相應俱全，老闆亦都好專業好細心咁解釋晒所有食物應該有嘅食法、先後次序、食物簡介，可惜整餐體驗卻因部份事件令用餐體驗大為下降，女生待應態度容易讓人感到不悅☹️同時12時20分入席 卻3點才完成用餐，部分客人比我遲來半小時在叫同一套餐情況下卻可以比我們早完成用餐，可以想像到上餐速度有多誇張地慢🙃
※食物點評※
🥢三點前菜 （安康魚肝、帶子裙邊、鱈魚白子）
*魚肝甚香，帶子口感一流，反而鱈魚白子稍為失色
。
🥢刺身三貫 （日本真蠔🦪、金箔赤海蝦🦐、caviar海蝦 🦐）
*真蠔驚喜地大和肥美，赤海蝦同埋海蝦係用點心嘅形式present出嚟，賣相心思同打卡都係一流，只可惜蝦餃皮同埋刺身嘅鮮味有少少不配搭，並沒有出現相得益彰
。
🥢料理一品 （溫泉鵪鶉蛋雞肉餅🐣）
*味道甚好，但並無特別深刻之處
。
🍣壽司五貫（赤貝、金目鯛、中拖羅、左口魚、海膽壽司）
全部都鮮味十足，用料上乘，尤其是海膽壽司，真想再來十個😍
。
🍣鵝肝壽司
配上蛋白，天婦羅碎，金蒜，創新之作，推介🌟
。
🥢卷物一貫 （醬漬魚子卷物）
全日最為令人驚艷的出品，醬漬魚子鮮甜，竟配上拖羅油去炮製，再用天婦羅碎，同魚蓉整成呢個驚喜既手卷，100分呀！
。
🥣吸物（魚湯）
*味道甚好，但並無特別深刻之處
。
🥢日本生果 （北海道網紋哈密瓜🍈、黑糖蕨餅、朱古力泡芙🍫）
※總結※
總括黎講，抵食程度係1等1既，只係整個用餐體驗黎講環境未算極佳，更差的情況是侍應姐姐的待客之道容易令人感到不悅，雖未至惡劣程度，但已至影響心情之況😉但我認為每人不同時刻去同一餐廳就算是同一廚師都能有截然不同的待遇感受，既然餐廳在食材及價錢上如此有誠意，我仍然會推薦大家前往一試！
張貼
