肉料理とワインCARVING (已結業)

今晚相約多年無見的老友去到上環一間高質食店 fine dining 。我們被安排坐 bar 枱，望著廚師在面前煮嘢感覺幾得意。個set叫「北海道椰子牛魚介嚐味套餐」，共8道精緻菜。《大豆題材：魚子醬、帆立貝、鮑魚和牛》Starter菜，將魚子醬、鮑魚和牛等食材放在小杯撻，小手捲等，一口份量，口感食到不同層次，而帆立貝豆腐慕絲黏黏地，平時較少嚐到幾有趣。《甘鯛立鱗燒》燒製甘鯛魚的魚鱗酥脆，肉嫩多汁，口感佳，碟上有味噌醬，很濃郁，可以食魚肉點一些增加口感，或者唔點直接食魚肉亦是不錯。《牛骨髓》其實平時啜湯骨都知，骨髓的量不多，就好呢碗用北海道七星米煮嘅飯上面放一小舊骨髓，一口fell到牛骨髓經過特殊烹調有軟綿口感，生蛋黃唔係個個人接受，我就ok仲用蛋黃攪飯，燉肉幾香又淋淋地。《石榴酒巴巴蛋糕》這款蛋糕以石榴酒調製而成，一咬就滲出了酒，青瓜乳酪有微妙果香滋味。而今特別純米，一杯$138，口感純而不俗，配上香口食物幾配。整體來說餐廳氣氛昏暗情調幾適合傾偈，一路食精緻食物同時一路談天說地，係一種享受。