熨烤達人 (已結業)

幾年前要係香港食有質素既韓國烤肉仲係難過登天, 呢幾年香港真係開左好多間有gimmick又好味既本地或者連鎖式韓式烤肉店。今日去左既呢間"熨烤達人"除左用料ok之外仲好有特式 – 名附其實有個舊熨鐡比你熨烤塊肉! 前菜：唔少得既韓式伴菜，可以免費添食 爐邊芝士蛋：待應姐姐會加蛋漿然後可以按自己鐘意既份量落芝士/泡菜，芝士同蛋真係好夾!! 特式飲品 – 藍莓CIDER: 真係用韓國入口既CIDER!! 不過藍莓味略嫌有D甜~磚頭五花腩：舊肉真係厚到成塊磚咁! 侍應姐姐會幫手用舊熨鐡黎燒, 用熨鐡既好處除左係令舊肉快D熟之外，燒出黎四邊都係脆卜卜!! 必食之選 DD牛舌/調味牛排肉/調味牛肋骨肉：燒完豬肉侍應哥哥會幫手換左個網先, 再燒牛肉就唔驚黏底喇! 餐廳一直係電視播韓文MV, 聽到偶像出場直頭想跟住一齊唱 XD 下次可以同大班追星朋友可以再黎自HIGH～