喜來稀肉 (已結業)

疫情關係好耐無食過韓燒，今日心血來潮同女朋友黎到旺角呢間喜來燒肉大吃一餐。一黎到呢度已經好有氣氛 因為有部分餐廳既侍應真係韓國人！ 佢地溝通都係用韓文，令無得去旅行既我地有置身於韓國既感覺。然後坐底落黎見到張枱已經準備好曬配菜包括有泡菜，生菜，酸瓜，蘿蔔等等十分豐富，仲有我女朋友最最鍾意食既爐邊蛋！有泡菜味同芝士味。以上既配菜全部無限任添！我地點餐叫左3份肉包括一份喜來烤肉（牛肉），一份牛護心肉同一份調味醬油雞肉。另外再叫左一份豆腐湯 同一碗白飯。每份肉既脂肪同肉既比例都好適中，食落去非常嫩口，我地會攞生菜包住啲肉再加泡菜，蒜頭，同烤肉醬，一啖食落去真係大滿足！個豆腐湯都好豐盛，入面加左蜆增加左份鮮味，豆腐又好滑，辣度又適中，配埋個白飯真係好滿足！