LAB10 (已結業)

今日同朋友去朗豪坊行街啦，因為近排好多牌子都好似減緊價咁，跟住我地行行下經過間lab10 咁果陣時都已經6點幾啦，咁所以我地就決定入去試下！入面環境都幾光掹同闊落，又唔好因為好多人燒肉而變得好焗～我地首先叫左一個牛小排啦，佢啲肉質都好鮮嫰，再加埋佢比果啲醬汁就更加好食。跟住呢我地都叫左個牛肩肉，咁佢雖然冇牛小排咁好咬口，但其實都好好食架，因為佢個味都係好濃嘅。燒嘢食方面我地仲叫左海蝦，相當大隻又新鮮，燒完食落去十分之爽口！然後我地又叫左個人參雞湯啦，佢真係有半隻雞係入面架，而且人參味都好重，可以話係超級足料，完全物超所值。最後叫多左個小食：芝士炸雞，都幾多芝士落咗，炸雞已經去咗骨，食落好方便！