影片
更多
2024-01-28
544 瀏覽
嚟灣仔買材料夜晚打邊爐，晏晝就順便喺附近買埋外賣先返屋企。記得之前有朋友推介過堅拿道西嗰間「生生市場」，店舖主打韓式料理，由幾位韓國媽媽主理。原來呢間舖頭係同「新國華肉食公司」聯乘，除了一系列韓式熟食和伴菜外，還有扒類和急凍食品等供應。買咗紫菜飯捲、牛肉拌飯、炒粉絲、炸雞同一罐菠蘿汁。 烤牛肉紫菜飯捲 ($53) 飯卷份量好足，一客有成 12 件，材料塞得滿滿，有烤牛肉、醃漬黃蘿蔔、青瓜、紅蘿蔔和雞蛋等。牛肉調味剛好，飯卷包得夠紮實，唔會一夾就散。烤牛肉拌飯 ($65) 店員好細心，將配料和飯分開盛載，牛肉鮮嫩多汁，配菜多樣，有紫菜、大豆芽、翠肉瓜、菠菜同香菇，飯面仲有一隻煎蛋，撈埋啲韓式拌醬一齊食，充滿住家風味。韓式炒粉絲 ($48) 粉絲炒得好入味，用料很豐富，落咗好多菠菜、紅蘿蔔、洋蔥、香菇同雲耳一齊炒，入口啖啖麻油香，乾身又唔油膩。原味無骨炸雞 ($72/大) 盒炸雞雖然拎到返屋企先至食，但外皮依然香脆，緊緊包住Juicy滑溜嘅雞肉，就算食原味都會 dry，再飲番啖甜美嘅菠蘿汁 ($10/罐)，好滿足。
嚟灣仔買材料夜晚打邊爐，晏晝就順便喺附近買埋外賣先返屋企。記得之前有朋友推介過堅拿道西嗰間「生生市場」，店舖主打韓式料理，由幾位韓國媽媽主理。
原來呢間舖頭係同「新國華肉食公司」聯乘，除了一系列韓式熟食和伴菜外，還有扒類和急凍食品等供應。
買咗紫菜飯捲、牛肉拌飯、炒粉絲、炸雞同一罐菠蘿汁。 
烤牛肉紫菜飯捲 ($53) 飯卷份量好足，一客有成 12 件，材料塞得滿滿，有烤牛肉、醃漬黃蘿蔔、青瓜、紅蘿蔔和雞蛋等。牛肉調味剛好，飯卷包得夠紮實，唔會一夾就散。
烤牛肉拌飯 ($65) 店員好細心，將配料和飯分開盛載，牛肉鮮嫩多汁，配菜多樣，有紫菜、大豆芽、翠肉瓜、菠菜同香菇，飯面仲有一隻煎蛋，撈埋啲韓式拌醬一齊食，充滿住家風味。
韓式炒粉絲 ($48) 粉絲炒得好入味，用料很豐富，落咗好多菠菜、紅蘿蔔、洋蔥、香菇同雲耳一齊炒，入口啖啖麻油香，乾身又唔油膩。
原味無骨炸雞 ($72/大) 盒炸雞雖然拎到返屋企先至食，但外皮依然香脆，緊緊包住Juicy滑溜嘅雞肉，就算食原味都會 dry，再飲番啖甜美嘅菠蘿汁 ($10/罐)，好滿足。
張貼
