泓居酒屋 (已結業)

佐酒小食:一入席就有既腌牛肉粒同蘿蔔粒,感受到滿滿既誠意豚肉西京燒:係比較普通嘅燒豬肉,有少少肥膏免治雞肉棒配溫泉蛋:我相當鍾意嘅串燒,雞肉棒點上蛋汁之後,味道提升去另外一個層次,蛋汁夠甜,雞肉棒入面亦都加咗雞軟骨,令到口感更加豐富鱈場蟹玉子燒:呢款玉子燒加咗蟹膏同埋蟹肉,鮮味十足,分冷食同熱食,我哋叫熱既牛肉串燒:分別叫左牛小排、牛肋肉,一款比較軟淋同埋油脂香啲,另一款嘅肉味就突出啲,我同朋友各有所愛廣島蠔:蠔身飽滿,燒香咗之後嘅味道特別吸引魷魚糯米飯:比較少見,一見到就叫,魷魚將糯米飯壓得相當紮實,另外配魷魚嘅內臟汁,要注意唔好點太多,如果唔係就過咸飲品:嚟到食串燒點可以唔飲酒,試左白桃燒酌梳打、荔枝燒酌梳打,酒味濃,同時帶有生果嘅甜味,非常推介