影片
更多
2021-07-14
282 瀏覽
星期日出屯門探親戚，平時真係唔多會去到咁遠，響親戚屋企噓寒問暖一陣，親戚就話見我咁遠黎到，不如帶我去一間附近可以話係佢地屋企飯堂嘅茶餐廳食飯，見識下屯門嘅野食又平又靚。呢間茶餐廳真係好親民，就響屋苑地下舖，隔離就係街市，經過嘅都係啲衣著樸素嘅街坊，感覺好親切，我係好中意呢種感覺。茶餐廳入面就真係唔大，應該唔超過十張台。令我估唔到嘅係一間唔算大嘅茶餐廳餐牌上面不特止選擇衆多，仲有自己嘅特色野，例如雞煲同米綫，我就兩樣都有叫再加個黑松露蝦仁炒蛋，都幾豐富。黑松露蝦仁炒蛋都還算好食，有黑松露味唔算話太濃，但係每一啖都有黑松露嘅特殊香氣包裹住成個超滑蛋，味道上豐富唔少，蛋都炒得夠滑溜，一間茶餐廳做到咁都已經好滿意，非常好送飯。跟住就係米綫，個米綫分量都非常多，入面乜都有，豬排、魚蛋、鷄翼、牛肉等等，其實有咁多料都好難話唔好食，湯底味道都好好，唔會話好咸同埋唔多油，而且有少少酸菜提升酸味，食起身好開胃下，好岩我胃口。最後就係個鷄煲，個名叫奇味鷄煲，食起身又真係比佢做到奇味，但係又好食。底味當然係比較野味嘅麻辣，唔算好辣，岩岩好，個特別位係我覺得個鷄煲有D果香味，應該係黎自菠蘿同青椒嘅味道，食起身
呢間茶餐廳真係好親民，就響屋苑地下舖，隔離就係街市，經過嘅都係啲衣著樸素嘅街坊，感覺好親切，我係好中意呢種感覺。茶餐廳入面就真係唔大，應該唔超過十張台。令我估唔到嘅係一間唔算大嘅茶餐廳餐牌上面不特止選擇衆多，仲有自己嘅特色野，例如雞煲同米綫，我就兩樣都有叫再加個黑松露蝦仁炒蛋，都幾豐富。
黑松露蝦仁炒蛋都還算好食，有黑松露味唔算話太濃，但係每一啖都有黑松露嘅特殊香氣包裹住成個超滑蛋，味道上豐富唔少，蛋都炒得夠滑溜，一間茶餐廳做到咁都已經好滿意，非常好送飯。
跟住就係米綫，個米綫分量都非常多，入面乜都有，豬排、魚蛋、鷄翼、牛肉等等，其實有咁多料都好難話唔好食，湯底味道都好好，唔會話好咸同埋唔多油，而且有少少酸菜提升酸味，食起身好開胃下，好岩我胃口。
最後就係個鷄煲，個名叫奇味鷄煲，食起身又真係比佢做到奇味，但係又好食。底味當然係比較野味嘅麻辣，唔算好辣，岩岩好，個特別位係我覺得個鷄煲有D果香味，應該係黎自菠蘿同青椒嘅味道，食起身帶點甜味而且無咁heavy，味道黎講都算幾過癮，我好滿意。
以一間茶餐廳黎講，我覺得呢度選擇都幾多下，而且有自己嘅特色，唔會好似平時D茶餐廳咁净係整大路野，都睇得出係落左唔少心思，而且價格親民，非常抵讚。
張貼
