影片
更多
2021-03-26
134 瀏覽
如果想食印度菜，除左去重慶大慶外，仲有咩好選擇？今次黎到位於天后大坑既正宗印度餐廳及酒吧，餐廳以藍色同黃色做主調，夠哂光猛同搶眼。係上餐之前，店員就免費送上左印度特色既胡椒脆餅Papadam，另外仲配有酸酸甜甜既羅望子醬、香辣有後勁既辣醬🌶、充滿洋蔥風味既🧅薑黃醬，仲有我最鍾意既薄荷乳酪醬🌿。今次我地叫左傳統既羊肉Masala咖哩🥘，呢款咖哩係用蕃茄🍅同洋蔥🧅做Base，甜甜地又唔會太辣，非常適合唔係好食得辣既朋友。佢地既咖哩仲有個小型蠟燭慶住🕯️，睇落好靚，岩哂打卡。另外，佢地既羊肉完全唔會有羶味，而且仲好淋好易入口。除左Masala之外，必叫黎配咖哩同打卡既一定係Naan。今次我地叫左2款Naan🫓，分別係Cheese Naan同Garlic Naan。先講Garlic Naan🧄🫓，一睇就知係勁適合打卡，因為佢係吊住嫁，賣相我俾💯分！其實用個架黎吊住塊Naan除左可以吸引啲之外，仲可以唔洗令佢凍左之後痴埋一齊，整到濕哂。至於另一款Cheese Naan🧀🫓，雖然佢用既係較淡味既芝士，但因為考慮到要沾醬食，或者配搭咖哩食，所以我覺得淡味比濃味更好。最後，我地仲叫左香脆既咖哩角Samo
今次黎到位於天后大坑既正宗印度餐廳及酒吧，餐廳以藍色同黃色做主調，夠哂光猛同搶眼。
係上餐之前，店員就免費送上左印度特色既胡椒脆餅Papadam，另外仲配有酸酸甜甜既羅望子醬、香辣有後勁既辣醬🌶、充滿洋蔥風味既🧅薑黃醬，仲有我最鍾意既薄荷乳酪醬🌿。
今次我地叫左傳統既羊肉Masala咖哩🥘，呢款咖哩係用蕃茄🍅同洋蔥🧅做Base，甜甜地又唔會太辣，非常適合唔係好食得辣既朋友。佢地既咖哩仲有個小型蠟燭慶住🕯️，睇落好靚，岩哂打卡。另外，佢地既羊肉完全唔會有羶味，而且仲好淋好易入口。
除左Masala之外，必叫黎配咖哩同打卡既一定係Naan。今次我地叫左2款Naan🫓，分別係Cheese Naan同Garlic Naan。
先講Garlic Naan🧄🫓，一睇就知係勁適合打卡，因為佢係吊住嫁，賣相我俾💯分！其實用個架黎吊住塊Naan除左可以吸引啲之外，仲可以唔洗令佢凍左之後痴埋一齊，整到濕哂。
至於另一款Cheese Naan🧀🫓，雖然佢用既係較淡味既芝士，但因為考慮到要沾醬食，或者配搭咖哩食，所以我覺得淡味比濃味更好。
最後，我地仲叫左香脆既咖哩角Samosas黎食。佢地既Samosas有素菜同肉類兩款，而我地叫既就係用薯仔做餡料🥔。而呢款咖哩角比起其他餐廳食既咖哩角無咁重香料味，而且咖哩味唔會太辣，非常滋味，而且岩哂素食者。
張貼
