S2 鐵板燒 (已結業)

今日同個老死嚟食S2鐵板燒，門口個紅色燈籠好sharp醒，遠處已經見到，好易搵到。餐廳地方唔大，得一個師傅會喺bar枱即場用鐵板燒煮菜比大家食，而食材就喺廚房準備好出嚟。點了一個$1888(需加一）海膽杯盛宴，價錢真係有點昂貴，但食落發覺真係超多嘢食，我同我老朋友食到主菜已經食唔落，好彩店員都主動幫我地打包唔好浪費。頭盤有沙律、刺身（三文魚、北寄貝、大蝦）、仲有傳說中嘅海膽杯，望落細細杯，但細心一睇，原來都差唔多有成七八種食材，好似係主角海膽、帶子、拖羅、海帶碎，面頭仲有一塊白飯魚乾片，脆脆地點住食。等我地一跳跳到去成餐飯嘅主菜，因為太令我難忘了，主廚將新鮮嘅龍蝦喺鐵板上焗熟咗先，再淋上大量嘅芝士去燒，好快就著哂火了，嘩即刻影下相好吸引啊。上菜嘅時候，啲芝士做到邪惡拉絲，而且啲龍蝦肉好嫰好鮮，單單加芝士味已非常足夠了。A5和牛松茸海膽卷，見住廚師將四片超肥美嘅和牛攞出嚟燒，仲問我地要幾成熟，我地要七成熟所以好快就食得，再加咗松茸、海膽包埋一齊，四塊好矜貴啊！海膽盛宴點少得海膽炒飯，餐廳仲加入咗黑松露一齊炒，而啲白飯係廚房一早撈好咗海膽汁，見住廚師炒到佢粒粒分明，真係流哂口水。最後仲有一