影片
更多
2018-07-15
68 瀏覽
因為有好多野唔食，千挑萬選之下選左依間鐵板燒，地點都幾易搵，出左地鐵站行左五分鐘左右就到啦，有提前book位，所以一去到就可以入座。環境氣氛都非常好，一個師傅最多都係招呼六七個客，直接係面前為我地準備晚餐，又有表演睇又有得食，我地叫左伊勢海老鐵板燒兩人套餐。前菜，沙津菜夠新鮮，利用黑醋汁調味，元美既配合，非常開胃。帶子就夠哂大粒，唔會煮得太乾太生。汁煮東星斑，魚肉煮得岩岩好，唔會煮得太耐而好乾，又唔會唔夠熟，夠哂彈牙，魚最怕唔新鮮有腥味，依就菜就無咁既問題，反而個汁幾清淡，唔會遮蓋魚鮮味。跟住到海膽汁龍蝦，一人半隻龍蝦，師傅會直接幫手起埋肉，食既時候就唔洗自己動手咁麻煩，都好考師傅技術架。未食賣相就已經唔錯，海膽汁我覺得太淡唔夠味，試左入座就準備好係桌面既醬汁，原來係醋黎，酸酸地，配龍蝦又唔錯喎。大啡菇+南瓜+蘆筍，依道菜就無太多既調味料，原汁原味，散發出食材本身既味道。A5和牛，因為我好怕見到紅色完全未熟既肉同血水就叫左7成熟，我自己就覺得師傅煮得岩岩好，食落好香既牛肉味同好林，個人就覺得配鹽最好食，唔會覆蓋牛肉本身既香味，另外配蒜片都幾驚喜，蒜同牛肉既味道係口入面交替著，令平時唔食
環境氣氛都非常好，一個師傅最多都係招呼六七個客，直接係面前為我地準備晚餐，又有表演睇又有得食，我地叫左伊勢海老鐵板燒兩人套餐。
前菜，沙津菜夠新鮮，利用黑醋汁調味，元美既配合，非常開胃。帶子就夠哂大粒，唔會煮得太乾太生。
汁煮東星斑，魚肉煮得岩岩好，唔會煮得太耐而好乾，又唔會唔夠熟，夠哂彈牙，魚最怕唔新鮮有腥味，依就菜就無咁既問題，反而個汁幾清淡，唔會遮蓋魚鮮味。
跟住到海膽汁龍蝦，一人半隻龍蝦，師傅會直接幫手起埋肉，食既時候就唔洗自己動手咁麻煩，都好考師傅技術架。未食賣相就已經唔錯，海膽汁我覺得太淡唔夠味，試左入座就準備好係桌面既醬汁，原來係醋黎，酸酸地，配龍蝦又唔錯喎。
大啡菇+南瓜+蘆筍，依道菜就無太多既調味料，原汁原味，散發出食材本身既味道。
A5和牛，因為我好怕見到紅色完全未熟既肉同血水就叫左7成熟，我自己就覺得師傅煮得岩岩好，食落好香既牛肉味同好林，個人就覺得配鹽最好食，唔會覆蓋牛肉本身既香味，另外配蒜片都幾驚喜，蒜同牛肉既味道係口入面交替著，令平時唔食蒜既我都覺得值得一試。
和牛炒飯，炒飯粒粒分明，但無乜和牛既味道，唔會太油，味道試都唔錯。
清酒煮蜆，蜆肉洗得好乾淨，少少沙都無，酒味唔會太重帶出蜆肉鮮甜既味道。
最後甜品我竟然唔記得左影相，叫左柚子雪芭同培茶布丁，雪柚味道好清新帶有果肉，有小小偏甜，布丁帶微苦，適合唔太鐘意食甜野既人。整體而已，食物既質素同環境都唔錯，但服務有改進既空間，因為每次都開口請別人幫忙添茶，雖然服務態度很好，但未主動幫顧客添茶。
張貼
