影片
更多
2023-06-15
77 瀏覽
上次經過尖沙咀The One見到鐵板燒海賀有個「Taste of season」Menu 都幾吸引，加上環境寬敞又有無敵維港海景，所以今日睇完黃鴨就去試吓。「前菜三點」分別係熟蝦藻物、沖繩高糖蕃茄及蟹籽蟹肉豆腐。按服務員介紹，由淡至濃味，先開一開味覺。鐵板燒呢種日本料理最吸引之處莫過於，邊食邊欣賞到廚師在鐵板上或燒或煎等以不同方式處理各種食材。睇住「香煎琵琶蝦」放上鐵板的白煙，然後傳嚟香氣撲鼻嘅蝦香，已經胃口大開。簡單只用鹽同黑椒調味，配埋用蝦膏醬及煎香過嘅麵包一齊食，正！廚師接住就準備湯品「濃湯煮羽太、伴日本香葱油」及「鐵板活鮑魚」兩道菜。透明玻璃紙包住羽太呢種日本石斑魚煮成的濃湯，睇住小袋子喺鐵板一旁慢慢漲大，湯料在袋中翻滾，味美嘅濃滑魚湯轉眼完成。再用由三種唔同嘅葱特製而成嘅葱油，鮮綠點綴魚湯面外亦為湯提香。邊飲湯邊欣賞廚師處理，半隻手掌大嘅鮮劏生猛南非大鮑魚。廚師講解因為係活鮑魚，所以連一般會丟棄嘅鮑魚肝都可以食埋。鮑魚肝口感較鵝肝緊實，味香而不油膩。煎香嘅鮑魚身厚有咬口又唔會靱，海苔醬汁令整體更鮮味可口。平日食牛比較偏生，但今日廚師建議「美國牛柳」可以試吓五成熟。果然冇介紹錯
「前菜三點」分別係熟蝦藻物、沖繩高糖蕃茄及蟹籽蟹肉豆腐。按服務員介紹，由淡至濃味，先開一開味覺。
鐵板燒呢種日本料理最吸引之處莫過於，邊食邊欣賞到廚師在鐵板上或燒或煎等以不同方式處理各種食材。睇住「香煎琵琶蝦」放上鐵板的白煙，然後傳嚟香氣撲鼻嘅蝦香，已經胃口大開。簡單只用鹽同黑椒調味，配埋用蝦膏醬及煎香過嘅麵包一齊食，正！
廚師接住就準備湯品「濃湯煮羽太、伴日本香葱油」及「鐵板活鮑魚」兩道菜。透明玻璃紙包住羽太呢種日本石斑魚煮成的濃湯，睇住小袋子喺鐵板一旁慢慢漲大，湯料在袋中翻滾，味美嘅濃滑魚湯轉眼完成。再用由三種唔同嘅葱特製而成嘅葱油，鮮綠點綴魚湯面外亦為湯提香。邊飲湯邊欣賞廚師處理，半隻手掌大嘅鮮劏生猛南非大鮑魚。廚師講解因為係活鮑魚，所以連一般會丟棄嘅鮑魚肝都可以食埋。鮑魚肝口感較鵝肝緊實，味香而不油膩。煎香嘅鮑魚身厚有咬口又唔會靱，海苔醬汁令整體更鮮味可口。
平日食牛比較偏生，但今日廚師建議「美國牛柳」可以試吓五成熟。果然冇介紹錯！肉質鮮嫩多汁而且肉味香濃，按喜好可以配埋自家炸特大蒜片、玫瑰鹽、芥末籽同黑椒一齊食，十分滿足！
尾聲可以選擇原隻香燒嘅「黑松露帶子焗飯」或手打「鯛魚湯冰見烏冬」。焗飯加入野菇同焗，飯粒索滿濃郁黑松露香味；手打冰見烏冬口感細緻彈牙，鯛魚湯經多時熬製，每啖都充滿濃濃魚香。
甜品揀咗抹茶Tiramisu。有淡淡蛋香同抹茶香味，蛋糕口感綿滑，為整個晚餐劃上完美句號。
整體而言性價比高，大魚大肉有海景有服務仲有鮑魚有甜品嘅鐵板燒，嘆埋個特色Cocktail 每位都唔洗$1000，值得推薦！
張貼
