銅鑼灣必試高級鐵板燒🎉 虎鐵鐵板燒係鐵板燒界都算出名😻現場幾乎每枱都係慶祝生日/周年紀念，氣氛超有儀式感～
坐 Bar 枱望住師傅即場烹調，視覺＋味覺雙重享受，食材新鮮同擺盤精緻，打卡一流 📸
🌀 二人套餐
〰️ 意大利花茶：花香清新，清清味蕾好舒服。
〰️ 有機沙律：沙律菜、露筍、青瓜、車厘茄都爽脆新鮮，麻醬香濃，清爽開胃。
〰️ 蟹肉🦀海膽松露茶碗蒸：蒸蛋滑到不得了，配上魚翅、海膽、蟹肉，仲有原片黑松露同金箔等高級食材，奢華感爆棚🤭🤭
〰️旬の海鮮：虎蝦煎到金黃彈牙🦐
〰️ 原隻活鮑魚：鮑魚🦪好大隻，呢個唔單止邊位肉質軟腍，配蟹肉海苔芡汁好驚喜。
〰️ 法國藍龍蝦：肉厚鮮甜，煎得啱啱好，口感超正。
〰️ 熊本縣A5和牛 / 伊比利亞豬柳：和牛入口即化；我自己就轉咗豬柳肉，豬柳嫩滑，配脆蒜好夾
〰️ 鵝肝多士：厚身鵝肝外層做咗焦糖脆面，油香同黑醋汁平衡得好
〰️ 刺身帶子豆腐鯛魚湯：魚湯湯底清甜，配料滿滿🔥
〰️ 黑松露三文魚籽海膽杯炒飯：WOW！粒粒分明，海膽份量足，好Creamy
〰️ 鐵板梳芙厘雪糕：鹹 Soufflé 好特別，近距離睇師傅整，食落空氣感唔算重，有少少麵包質感💕 想驚喜可加 $49 火焰版雪糕梳乎厘🔥
💡 另有 1人餐 ($799/pp)：無龍蝦＆海膽，但有加拿大銀鱈魚，外脆內嫩，配番茄忌廉汁幾夾
💰 雖然唔算平，但食材＋體驗真心值得👾👾
