亞古鍋 (已結業)

平時打邊爐多數係揀可以任食嘅 ☺️今次就同朋友試咗一間係銅鑼灣可以一邊打邊爐一邊欣賞美景既火鍋店打邊爐🤤黎之前已經比佢地既招牌花膠湯底吸引🤡招牌亞古鍋 ☺️呢個湯底真係真材實料架👍🏻有花膠、螺頭、碎瑤柱、蟲草花等，店員介紹我地飲左湯先再加湯打邊爐，個湯底幾甜 飲唔到有味精既味道🙈⭐️白膳片/廣島蠔😎白膳片好新鮮同爽口👍🏻個人黎講平時唔鍾意食有骨嘅魚 但白線片原來係冇骨 同埋都幾滑下⭐️四合丸 四合丸係四款唔同材料混合而成嘅丸 ☄️有墨魚、蝦、豬肉、金腿茸 初頭第一下食落口覺得會有可能有啲奇怪 但食完之後會覺得原來四款材料都幾夾下 出邊都好少會食到 幾特別🤗 ⭐️騸牯三寶/濟州豬打邊爐最重要嘅就梗係食肉啦🤤騸牯三寶係指牛頸脊，邊抓同腩包🙈三個部位我比較中意食牛頸脊，牛味會比較濃郁😎腩包脂肪會較為多食落佢都幾滑👍🏻至於濟州豬每一片都好薄下 所以煮完都唔會話好硬🤔 最後食埋啲生菜清清腸胃就啱啱好值得一提係呢度嘅環境真係幾靚 除咗可以影吓相之餘 店員嘅服務亦都唔錯 食食吓會不斷加飲用水同幫你隔油 另外仲有一個專係俾我哋煮蠔嘅器皿 🙈雖然價錢較為貴 但係可以係咁嘅環境同朋友打邊爐 又真係五錯架😆