十三少 (已結業)

餐廳裝修都幾有中國古典風味，大部份都有梳化位，坐得都幾舒服。Menu有分散叫或者二人同埋四人套餐，套餐抵食，推介叫套餐。椒麻皮蛋呢個皮蛋係黃金皮蛋，皮蛋味唔會太濃，加埋辣椒等等調味料，作為前菜或者送飯食都好啱。13少酸菜魚上菜嘅時候店員講到湯底係用鮮魚煮成，可以去食用前先飲湯。我哋叫咗唔辣，even 唔辣，酸菜魚嘅湯底味道好豐富，首先佢夠酸，再加上由薑而來嘅辣味，就算唔食得辣嘅朋友都可以感受到酸菜魚豐富嘅湯底味道。魚既口感好滑，配料方面有菇、萵筍、蘿蔔等等。川式口水雞口水雞嘅份量都唔少，佢真係好夠麻好夠辣，啲雞嘅口感都好爽身，鍾意食辣嘅朋友就啱晒啦。紅糖糍粑糍粑外面炸到好脆，但係裏面加熱後軟林林，加上紅糖醬好好食。