燒肉時代 (已結業)

和女朋友一起上學，下課後一定要食個好少少的午餐，而且見自己和女朋友很久沒有吃韓式部隊鍋，所以一於就來嘗一嘗。第一個叫了韓式部隊蛋邊鍋，上枱時，已經見到有很多配料在鍋裏頭，之後要等佢慢慢滾先可以食因為食韓式部隊鍋最重要就係熱騰騰地吃。湯底唔算太辣而且因為入面有好多洋蔥菜同辣椒等嘅配料令到成個湯底更加入味。首先入面有一個韓式麵底面都算幾彈牙而且因為係喺鍋入面煮熟，所以會吸晒韓式嘅湯底非常之好味。加上入面我哋就選擇咗豬肉，豬肉份量都幾多，同埋本身已經醃了，所以有少少辣辣地同咸。而且豬肉夠肥所以放落口後好易咬。而且鍋入面其他配料例如韓式年糕午餐肉，火腿等份量都非常足夠完全夠兩個人享用。最後湯係最後再飲埋連埋肉汁同埋洋蔥等嘅味道簡直係一流。而且爐邊都有芝士蛋同埋芝士醬，可以食一啖部隊鍋就加少少芝士更加好食。另一個配菜就叫咗海鮮煎餅，煎餅係軟身嘅，而且粉唔算太多配料反而每一啖都有入面有好多海鮮例如蠔，八爪魚圈等，加上有大量嘅葱同埋其他配料，令到成個餅身更加鮮甜。最後職員嘅服務態度唔錯而且抽風都幾好食完不會成身都有味，下次可以再來。