滿屋日本料理 (大鴻輝(荃灣)中心) (已結業)

今晚同朋友來荃灣大鴻輝中心食日式放題，佢哋有唔同級別嘅放題，有平有貴任君選擇，我哋揀咗D，可以試多啲唔同嘢食。飲品款式繁多，除咗冷飲亦有熱飲，仲有多款啤酒梅酒同清酒。呢度嘅刺身都好高質，大赤蝦好大隻又鮮味，最正嘅係有松葉蟹腳、中拖羅、大拖羅、加拿大海膽、澳洲海膽同埋池魚皇等等嘅高級刺身任你食到飽！多款創作壽司亦都係水準之作，特別係海膽劍魚腩壽司、火炙大拖羅壽司、火炙醬燒廣島蠔壽司等等，用料上乘豪華好吸引！熟食方面選擇亦都唔少，比較值得推介嘅係花膠雞鍋、汁煮鮑魚、鹽燒牛舌，矜貴又美味。甜品大部份係一般放題都有嘅貨色，亦有雀巢雪糕同埋雪米滋任食，不過最正係每人仲有一杯 Häagen-Dazs 或者 Mövenpick 雪糕，呢度真係高質豪華放題之選！