影片
更多
2022-07-19
46 瀏覽
_____好味指數：🌟🌟🌟🌟🌟抵食指數：🤑🤑🤑🤑訂咗枱係呢間米芝蓮中菜廳食晚飯慶祝同事生日🎂餐廳門口低調，入去裝修精緻，以中國風為主，燈光較昏暗有情調🏮嗰日餐廳仲準備咗包間俾我哋，夠晒私隱度✅涼拌泡椒小龍蝦米線餐廳專門採購本地小龍蝦🦞本地養嘅對環境水質等都有嚴格要求，而且用飼料餵亦令小龍蝦更加符合衛生同安全，咁就食得放心啦～小龍蝦充滿泡椒嘅麻香味，帶微辛但愈食愈過癮😋而涼拌米線非常滑溜，好入味✅自煉紅油牛白肉用咗騸牯牛，肉質更嫩滑🐮而牛胸爽係牛胸前肋骨中間嘅軟骨部位，呈淡白色⚪️食落十分爽口，牛味豐富，加埋紅油一齊食更惹味✅西班牙向日葵甘栗豚叉燒 師傅講呢種豬係黑毛白肉🐷而每日都會食向日葵同甘栗🌻所以肉會帶有淡淡嘅橄欖油味，而肉質亦非常軟腍，有麥芽糖嘅甜又唔肥膩✅井巷子片皮鴨 呢度嘅招牌菜✨一上菜就聞到好香煙燻味🪵鴨皮香脆鴨肉軟嫩，而且呢度唔係用砂糖，而係用哈密瓜同黃金奇異果去增添甜味🥝而且口感更鮮甜同解膩💦仲有兩點好欣賞嘅係佢哋會喺餅皮下面放蒸籠去保持皮嘅軟熟，而且仲有小冊子教我哋點樣包片皮鴨，非常細心👍🏻✅黑蒜螺頭雪蓮子燉班骨唐排飲到盅湯融合晒所有材料嘅精華，濃郁得嚟好滋補🌿而且入面
_____
好味指數：🌟🌟🌟🌟🌟
抵食指數：🤑🤑🤑🤑
訂咗枱係呢間米芝蓮中菜廳食晚飯慶祝同事生日🎂餐廳門口低調，入去裝修精緻，以中國風為主，燈光較昏暗有情調🏮嗰日餐廳仲準備咗包間俾我哋，夠晒私隱度
✅涼拌泡椒小龍蝦米線
餐廳專門採購本地小龍蝦🦞本地養嘅對環境水質等都有嚴格要求，而且用飼料餵亦令小龍蝦更加符合衛生同安全，咁就食得放心啦～小龍蝦充滿泡椒嘅麻香味，帶微辛但愈食愈過癮😋而涼拌米線非常滑溜，好入味
✅自煉紅油牛白肉
用咗騸牯牛，肉質更嫩滑🐮而牛胸爽係牛胸前肋骨中間嘅軟骨部位，呈淡白色⚪️食落十分爽口，牛味豐富，加埋紅油一齊食更惹味
✅西班牙向日葵甘栗豚叉燒
師傅講呢種豬係黑毛白肉🐷而每日都會食向日葵同甘栗🌻所以肉會帶有淡淡嘅橄欖油味，而肉質亦非常軟腍，有麥芽糖嘅甜又唔肥膩
✅井巷子片皮鴨
呢度嘅招牌菜✨一上菜就聞到好香煙燻味🪵鴨皮香脆鴨肉軟嫩，而且呢度唔係用砂糖，而係用哈密瓜同黃金奇異果去增添甜味🥝而且口感更鮮甜同解膩💦仲有兩點好欣賞嘅係佢哋會喺餅皮下面放蒸籠去保持皮嘅軟熟，而且仲有小冊子教我哋點樣包片皮鴨，非常細心👍🏻
✅黑蒜螺頭雪蓮子燉班骨唐排
飲到盅湯融合晒所有材料嘅精華，濃郁得嚟好滋補🌿而且入面仲有原粒黑蒜，記得食埋佢，對身體好好㗎🧄
✅剁椒酸菜酒香黑白切
黑白切係指豬嘅大腸同梅花肉，呢道菜都係用上乘嘅甘栗豚🐷先將豬大腸切條炸，再加入切條梅花肉同酸菜泡椒炒，最後再倒茅台酒，上菜嗰陣熱氣騰騰，夾雜淡淡茅台酒香🍶而餐廳嘅酸菜係自製，無咁咸同爽口好多
✅辣子鵪鶉
第一次食鵪鶉，餐廳採用澳洲走地鵪鶉🐦肉質有啲似雞肉，然後更嫩滑又有彈性，而且炸得好香好酥脆，不錯
✅冰鎮百合綠豆沙
夏天食碗冰鎮綠豆沙特別透心涼～而呢道甜品都好講究，用咗蘭州九年百合，係一種要做九年先可以收成嘅百合，口感爽脆清香，高質
✅時令水果
今次係靜岡赤肉瓜同香印🤩好甜好軟熟，非常完滿嘅一餐飯
張貼
