Table 18 Bar & Restaurant (已結業)

之前朋友生日🎉，揀左呢間餐廳，發現原來無論價錢同食品都o喎😍。餐廳裝潢幾有格調，幾好feel 😝，仲有唔少特色酒類🍸提供，岩哂同三五知己chill返晚。合桃提子乾青蘋果沙律 ：青蘋果片成一片片再層層疊，周圍有合桃伴碟，單係外型都好有心思💕。外面淋上芒果汁，配合上提子乾，整份沙律都好香甜開胃。雜錦小食拼盤 $128 ：小食拼盤裏面有頗入味既香辣雞翼、炸魷魚圈、彈牙炸蝴蝶蝦同埋粗薯條，份量不少，熱辣辣又唔算好油膩，仲配有3款醬汁比你點，而k最like沙律醬😂。黑椒汁焗美國安格斯牛小排蘑菇飯$108：牛小排夠嫩而且都重牛味，黑椒汁辣辣地又有黑椒香，用黎撈飯一流呀。香腸拼盤：德國腸拼盤有齊咁多款腸😍，好似波波腸、豬肉腸、雞肉腸等，雖然唔係好分到種類，但幾款食落都juicy又好味，而底下仲有大量酸菜同一塊炸薯絲餅，k呢個薯控狂食😂。