Rustico

營業中

休息中

今日收工約左朋友食晚飯，朋友突然話想食西班牙海鮮炒飯，於是搵到呢間位於荔枝角D2 plaza既西班牙菜餐廳。頭盤：手切黑毛豬燻肉，用左2種肉薄切，雖然薄切但味道濃郁，又唔會太咸。頭盤2:特色西班牙炸蛋伴薯絲辣肉腸碎，以前未食過呢款Tapas,估唔到唔膩之餘仲好香。橄欖油麵包：職員教塗橄欖油落麵包，又香又惹味。慢煮西班牙乳豬伴焗薯: 西班牙乳豬因為慢煮關係，肉質滑嫩，仲留有肉汁，而且焗薯仲落左香草,唔會淡茂茂。西班牙海鮮炒飯：份量都幾大，2個人食就最岩。配料夠新鮮，而且每粒飯都好juicy, 火喉恰到好處，唔會炒到乾爭爭，讚！