四季常餐 (已結業)

🍳真•忌廉雞湯通配火腿及炒蛋多士($43)今次黎試下中環呢間新開既人氣茶餐廳 #四季常餐 ，咁黎到緊係試下佢個常餐啦😎 常餐有2款口味，茄牛通同火腿通，咁我就叫左火腿果款。淨係個食物名已經改得好盞鬼，但佢個忌廉雞湯通都唔係有名無實，用上高質厚厚既火腿，配埋餐廳自己熬既雞湯，非常鮮味。另外既炒蛋係用上美國、日本同中國蛋混合黎炒，富蛋香又嫩滑，唔錯👍🏻可惜想飲茶走但當日餐廳無晒煉奶，奶茶就普普通通，期待下次試埋佢個茶走🙂 🍳🥪 四季厚蛋治（$38)早餐時段仲有呢個厚蛋治🍳😍 入面既配料又係絕唔會手軟，超級多蛋😍😍 呢度既蛋治係用餐包做既，入面夾住芝士、咸牛肉同厚厚既滑蛋，味道唔錯但係就略嫌咸左少少，如果轉用鮮牛肉可能會更加好食🤔 整體餐廳食物有水準，亦真•香港人口味🤣 中環呢個價錢都算抵食了。温馨提示：餐廳每日只營業到下午五點，星期日休息。