影片
更多
2021-04-25
1628 瀏覽
呢間茶記銅鑼灣、北角、旺角都有；湖水綠門面，入面有靚靚玫瑰花牆，已經好令人出乎意料之外。打開menu仲驚喜，勁多選擇，我哋研究咗勁耐，耐到侍應都問我哋落得單未，我哋話樣樣都好吸引，店員仲識趣地叫我地每日嚟試曬佢😆🍳經典蜜汁叉燒滑蛋飯 $58呢度嘅招牌菜式係我最愛嘅叉燒，梗係要試吓啦！蜜汁份量剛剛好，叉燒大大件，肥瘦均勻，有啲仲有燶邊㗎！個蛋都好香滑，送飯一流😋🍔瀑布芝士未來牛肉漢堡 配美式炸薯條 $88完全無諗過茶記有burger食，仲要連素burger都有，啱曬我同行嘅素食朋友！Burger應該落咗千島醬，加埋新鮮蕃茄、生菜、芝士，以及食落好有真肉質感嘅漢堡，味道唔錯🤩🦀飛魚子忌廉蟹肉焗大啡菇配忌廉牛油薯蓉 $78爆多脆卜卜嘅魚子，加埋落啖喺蟹肉同埋多汁嘅大啡菇度，口感層次分明！薯蓉都好重牛油香味，夠曬滑溜，味道同媽咪整嘅一樣咁好味😝🍨雪糕紅豆冰 $25都係呢間店嘅招牌，唔係唔試呀嘛！雪糕嘅奶香濃郁，紅豆又勁多勁大粒，唔會太硬又唔會太爛，呢杯紅豆冰確係高質🥰
🍳經典蜜汁叉燒滑蛋飯 $58
呢度嘅招牌菜式係我最愛嘅叉燒，梗係要試吓啦！蜜汁份量剛剛好，叉燒大大件，肥瘦均勻，有啲仲有燶邊㗎！個蛋都好香滑，送飯一流😋
🍔瀑布芝士未來牛肉漢堡 配美式炸薯條 $88
完全無諗過茶記有burger食，仲要連素burger都有，啱曬我同行嘅素食朋友！Burger應該落咗千島醬，加埋新鮮蕃茄、生菜、芝士，以及食落好有真肉質感嘅漢堡，味道唔錯🤩
🦀飛魚子忌廉蟹肉焗大啡菇配忌廉牛油薯蓉 $78
爆多脆卜卜嘅魚子，加埋落啖喺蟹肉同埋多汁嘅大啡菇度，口感層次分明！薯蓉都好重牛油香味，夠曬滑溜，味道同媽咪整嘅一樣咁好味😝
🍨雪糕紅豆冰 $25
都係呢間店嘅招牌，唔係唔試呀嘛！雪糕嘅奶香濃郁，紅豆又勁多勁大粒，唔會太硬又唔會太爛，呢杯紅豆冰確係高質🥰
張貼
