太郎居酒屋

營業中

休息中

今日行開尖沙咀購物，lunch時間上網搵到呢間居酒屋，見到都唔錯，就一於試下。試完之後又有驚喜窩，有一定水準。環境仲要好舒服，好闊落，每個卡位都用屏風分隔開，夠曬私隱，無論約會談心，定係一班朋友暢所欲言都唔怕。我地選擇了午市套餐，價錢合理唔算貴，食物份量大大件，質素亦都好唔錯。食生冷野最怕唔新鮮，唔乾淨，呢間無論環境定係食物質素都幾高。我地點了一人一個午市套餐，仲可以用優惠價錢追加小食。極上魚生don定食 $188一次過試曬幾款刺身，滿足曬唔同願望，刺身飯大大碗，絕對夠飽肚。有海膽、🦐、吞拿魚、北海道帆立貝。海膽味道鮮美，入口即溶，一定要食。帆立貝夠曬大粒，又圓又白，肉質扎實，不得不食。另外附送一燉蛋，幾足料，入面有大大條蟹柳。吞拿魚赤身刺身赤身即係魚背不含油脂的部位，呈紅肉。肉質新鮮扎實，有咬口。章魚燒章魚少少鹹而又帶鮮甜爽味道。雞軟骨串燒以及燒雞翼雞軟骨十分之滋味爽口，值得一試。雞翼燒到啱啱好，唔會太老，油脂分泌曬出黎，好香口。總的來講，呢個價錢對得起佢高的食物質素，下次我會再幫襯。