Boy n Burger (已結業)

美式漢堡包店 @boynburger 成功吸引到以廿多歲為主的顧客群店內播放著pop music ，座位大概三十個左右，搵位都唔太難。採用自助形式，買完等睇 No 取食物，絕對乎合速食文化。開放式廚房一覽無遺，中午時間店員密密做冇停手，忙著為客人即做漢堡包。等候時間大約五分鐘，乎合快餐的速度。套裝有一款小食、漢堡包、飲品炸薯波啱啱炸起「炸薯波」非常熨口，先為它加個茄汁浴。入口超脆、有薯味，絕對令人食到停吾到口。椰菜絲沙律 份量多；但太多醬，超酸…..！我喜歡吃炸魚柳，揀左「清新魚柳漢堡包」酸瓜、炸魚柳、酸椰菜等。魚柳夠厚夠脆，炸粉簿、魚肉嫩滑，配上酸味醬汁和爽口椰菜𢇃、包身軟硬度適中，水準不俗。男友今次不揀牛肉，揀左雙併「辣肉腸脆鷄漢堡包」男仕一定要豪氣地咬落去，先可以一次過將咁大個包鯨吞，炸雞的炸粉比魚柳更有質感，鷄扒夠厚度、食落特別有口感，加上惹味的辣肉腸、洋蔥和青醬，不花巧，份量足，唔錯！Iced latte 是用咖啡機沖出嚟再加冰，只係加$6 絕對飲得過。