重慶洪鼎火鍋 (已結業)

最近香港真係好輕四川重慶食物 呢間火鍋都係其中之一叫洪鼎既然嚟得四川重慶嘢梗係要試一試佢個麻辣火鍋底，不過其實得我自己一個食仲要唔係食得好辣所以就叫咗鴛鴦鍋， 一邊係重慶麻辣火鍋小辣另一邊係木耳雞湯。食材方便呢間火鍋店唔算多，甚至香港人至愛既牛肉係得兩種，分別係手切肥牛同埋安格斯牛小排。反而丸類就比較多花款，除咗普通嘅貢丸、豬肉丸同墨魚丸之外，呢度仲出名貢菜豬肉丸同貢菜牛肉丸。不過最特別我覺得係佢呢度有黑毛肚、 鴕鳥肉同埋鵝腸，真係好少見。 除此之外呢間四川重慶火鍋店另外一個特色就係會教人點樣去常使用四川食法。其中一樣比較得意嘅就係四川獨有嘅油碟，即係平時香港人打邊爐會鍾意混醬，但四川人就淨係落麻油、生蒜、蔥花同芫茜， 加埋四川麻辣火鍋底真係以為自己去咗四川。