A Tavola Bar & Grill (已結業)

將軍澳南除咗有海濱花園、Donki、寵物公園，仲有好多靚西餐。輕輕鬆鬆可以hea半日👫。🍴Chef’s soup of the day $65是日餐湯係番茄湯🍅。番茄味道濃郁，酸度高好開胃。🍴Nz Mussels $168青口大隻而且圓潤飽滿。白酒汁味道濃郁，亦有少許辣味，但唔會遮咗青口嘅鮮味。仲有一塊garlic bread點白酒汁。🍴Cajun spiced fries $88香脆可口，紅椒粉味道頗重。🍴Surf & Turf 🥩🦐 $335 牛柳大約兩吋厚，但生熟度控制得唔錯。Medium嘅牛柳裏面係好靚嘅粉紅色，肉質嫩滑而且易於咀嚼。上碟後冇再灑上salt and pepper，但加埋gravy味道就啱啱好。虎蝦加上海鹽同胡椒略略煎過，彈牙鮮甜。🍴Apple Crumble $58香脆嘅金寶鋪滿碟面，裏面有滿滿嘅蘋果粒🍎。果粒酸甜清新，肉桂味道唔算好濃。加上雲尼拿雪糕，整體甜度適中。