Y Dining (已結業)

今晚去間質素高嘅西餐廳食飯，而食物嘅質素同服務都十分之好！餐廳位置在港鐵旺角站A1出口一出就見到金鑽璽，乘升降機一出就係餐廳，地方都算大，座位十分舒適，朋友發板，點了個吞拿魚他他作為今晚嘅頭盤，在吞拿魚他他旁用了由檸檬汁做成嘅泡泡，配上鮮味香軟嘅吞拿魚肉粒，陣陣檸檬清香之餘還有吞拿魚粒粒嘅鮮味，而加埋塊香脆多士一齊入口又係另一種口感！主食就點了番茄管通粉，哩個應該係番茄控嘅推介，每條管通粉上都沾滿了番茄汁之餘，上面個香滑芝士混埋一齊入口味道更加濃郁，廚師將管通粉煮得剛好，入口好有口味，而番茄汁味道帶點酸甜，十分醒胃！甜品就係意大利做法嘅提拉米蘇以Mascarpone Cream，加用冧酒及咖啡醃手指餅組成的甜品，上面Mascarpone Cream味道香濃，中間有手指餅吸收了冧酒及咖啡味道，入口確實特別香濃！還有加了杯來自美國芝加哥手工啤酒 DUCK DUKU GOOSE手工啤，口感輕盈，富有熱帶風香，襯托住今晚不同嘅精緻美食同舒適環境，這裡絕對推介！