影片
更多
2020-01-05
58 瀏覽
伙記好禮貌坐得舒適店舖光猛、乾淨自從銅鑼灣好幾間食開嘅餐廳執笠後，以為屋企附近都無好嘢食有晚收工經過，見餐牌幾吸引就入去試，當時食葱油豬扒煎蛋飯正！豬扒同炊x家有得揮！！夠厚、焾得嚟又唔會話無𡁻口！所以都不時幫襯下，其實都算係我「飯堂」後尾有食其他嘢，質素、賣相都喜出望外！今晚揼完骨成身散晒咁，好想食好西，就諗起so far都無令我失望過嘅四寶食堂！睇匀餐牌樣樣都想食，但忽然被呢塊扒吸咗睛，果然無令我失望！茶記嚟講呢塊西冷算厚，我揀咗配薯角（無俾件牛扒責住嗰啲好脆）最驚喜嘅係嗰半個焗蒜！！好多懶high class嘅地方都無，超正！伴碟唔係平時嗰d烚菜而係爽甜沙律菜，真心覺得好有誠意！可能有人覺得佢比一般茶餐廳貴少少，但我覺得值得，因為佢食材、食物質素真係值呢個價錢！我寧願俾多少少錢，去一間唔會令我失望嘅餐廳，好過平少少，但要「搏」⋯⋯坊間實在太多揸流攤
坐得舒適
店舖光猛、乾淨
自從銅鑼灣好幾間食開嘅餐廳執笠後，以為屋企附近都無好嘢食
有晚收工經過，見餐牌幾吸引就入去試，當時食葱油豬扒煎蛋飯正！豬扒同炊x家有得揮！！夠厚、焾得嚟又唔會話無𡁻口！所以都不時幫襯下，其實都算係我「飯堂」後尾有食其他嘢，質素、賣相都喜出望外！
今晚揼完骨成身散晒咁，好想食好西，就諗起so far都無令我失望過嘅四寶食堂！
睇匀餐牌樣樣都想食，但忽然被呢塊扒吸咗睛，果然無令我失望！茶記嚟講呢塊西冷算厚，我揀咗配薯角（無俾件牛扒責住嗰啲好脆）最驚喜嘅係嗰半個焗蒜！！好多懶high class嘅地方都無，超正！伴碟唔係平時嗰d烚菜而係爽甜沙律菜，真心覺得好有誠意！
可能有人覺得佢比一般茶餐廳貴少少，但我覺得值得，因為佢食材、食物質素真係值呢個價錢！
我寧願俾多少少錢，去一間唔會令我失望嘅餐廳，好過平少少，但要「搏」⋯⋯坊間實在太多揸流攤
厚切西冷
6 瀏覽
0 讚好
0 留言
張貼
