印度今日 (已結業)

我比較鍾情於印度菜，昨天同朋友係尖沙咀食飯，去咗間門面不起眼的印度餐廳。坦白說係路面搵間餐廳都幾唔方便．．雖然環境看似較簡單，但竟有意想不到的服務質素。先有位識講廣東話的伙記招呼，叫呀kit，好nice。本來特別想食kabab，但俾佢的提議吸引，就試下啦，叫多個dosa同印度炒飯。食過幾間印度餐廳，我都係第一次食，個dosa好脆身而且香，但重點係d香料汁，一熱一湅，好特別又好食。印度炒飯炒很剛好，不油，適合貪靚的我。兩者都好食，我相信係在於香料的配合做得好細心。之後飲咗個Mango Lassi，比起出面的印度餐廳唔會有泡，mango味又唔會過濃，我鍾意呢度的Mango Lassi。不過食得最開心係服務好好，佢好關心我地食成點，服務態度好值得表揚！我覺得無論環境如何，食物質素如何，但無咗服務應有的態度，食得唔開心，又何必呢。所以要係度俾個GOOD佢地。