影片
更多
2023-01-07
3954 瀏覽
2022年12月30日 星期五今晚同老婆黎到太古嘗試呢一間新開張無幾耐既燒肉店，之前放lunch嘅時候成日都見到呢間餐廳好多人排隊，所以今晚就帶老婆一齊黎試下好彩我哋去到嘅時候尚早，遲少少嚟到都已經好多人排隊，一入到去坐低咗店員就餐牌我哋選擇，有四個唔同嘅放題套餐可以揀，最平嘅二百零蚊就食到，而我哋想試吓多啲款式，所以就決定叫咗C餐，澳洲和牛放題，好期待想試下澳洲M8和牛西冷點完餐之後，店員就俾咗一張單我哋，用嚟掃QR code，自己用電話落單，夠晒方便，而且仲有埋圖片睇添至於飲品，就要自己去飲品櫃拎，裏面除咗有一般放題都會見到嘅飲品之外，仲有好多日本先見到嘅飲品，例如蜜瓜忌廉梳打、蜜糖檸檬汁等等，相信香港嘅便利店都唔會見到有得賣，感覺幾特別而且依家仲做緊優惠，只要惠顧放題兼讚好社交平台，就可以食到日本A4和牛甚至韓式醬油蟹添，我哋當然唔執輸，最後要咗A4和牛經過電話嘅一輪點餐之後，等咗大約10分鐘左右食物就開始陸續送到，首先當然有C餐先叫到既澳洲M8和牛西冷、澳洲和牛牛舌同澳洲M7和牛三角嫩肌得到店員嘅溫馨提示之下，我哋首先用店員嘅方法燒和牛西冷，燒嘅時間1分鐘都唔使，油份同肉汁已經
今晚同老婆黎到太古嘗試呢一間新開張無幾耐既燒肉店，之前放lunch嘅時候成日都見到呢間餐廳好多人排隊，所以今晚就帶老婆一齊黎試下
好彩我哋去到嘅時候尚早，遲少少嚟到都已經好多人排隊，一入到去坐低咗店員就餐牌我哋選擇，有四個唔同嘅放題套餐可以揀，最平嘅二百零蚊就食到，而我哋想試吓多啲款式，所以就決定叫咗C餐，澳洲和牛放題，好期待想試下澳洲M8和牛西冷
點完餐之後，店員就俾咗一張單我哋，用嚟掃QR code，自己用電話落單，夠晒方便，而且仲有埋圖片睇添
至於飲品，就要自己去飲品櫃拎，裏面除咗有一般放題都會見到嘅飲品之外，仲有好多日本先見到嘅飲品，例如蜜瓜忌廉梳打、蜜糖檸檬汁等等，相信香港嘅便利店都唔會見到有得賣，感覺幾特別
而且依家仲做緊優惠，只要惠顧放題兼讚好社交平台，就可以食到日本A4和牛甚至韓式醬油蟹添，我哋當然唔執輸，最後要咗A4和牛
經過電話嘅一輪點餐之後，等咗大約10分鐘左右食物就開始陸續送到，首先當然有C餐先叫到既澳洲M8和牛西冷、澳洲和牛牛舌同澳洲M7和牛三角嫩肌
得到店員嘅溫馨提示之下，我哋首先用店員嘅方法燒和牛西冷，燒嘅時間1分鐘都唔使，油份同肉汁已經不斷流出黎，再加上我哋不斷反覆捲個西冷，食起上嚟好有燒肉嘅味道，生熟度啱啱好，食到停唔到口！！
至於個牛舌就好厚身，而且有咬口，同埋有好濃郁嘅牛肉味
之後就有免費贈送既日本A4和牛，果然係一分錢一分貨，和牛入口即溶，油份好多，而且有好濃郁嘅牛肉味，食完之後個口腔竟然仲殘留和牛嘅味道，完全係難以抗拒，可惜份量唔算太多，下次再嚟一定會叫D餐狂食！！
之後有牛油帶子同燒生蠔，帶子都幾大隻，燒嘅時候牛油嘅香氣不斷飄出來，而且帶子吸收晒牛油既味，食落去好滋味
生蠔就冇諗過會咁大隻，足足有一隻手板咁大，蠔肉好飽滿，而且餐廳提供幾款醬汁，分別係蒜蓉辣汁、燒汁同辛辣醬汁俾客人揀，個人覺得蒜蓉辣汁最夾生蠔
呢一個係日本酒糟目拔魚，店員建議我哋燒咗魚皮果一部份先，咁樣魚肉會比較硬身少少，唔會燒到一舊舊拆開晒，用慢火燒大約10分鐘左右，魚肉燒到啱啱好，肉質滑溜而且有酒香，同樣都係食到停唔到口，連老婆平時比較少食魚，佢都覺得好好味
跟住當然唔少得有燒大蝦，每一隻都係虎蝦黎，size好大，燒到變晒色就食得，肉質彈牙，而且唔痴殼，我哋最後仲encore咗黎食
呢個係燒雞腎同燒雞肝，好少餐廳可以食到，用慢火燒大約10分鐘左右就食得，味道幾特別，加埋七味粉食更加惹味
最後仲有一人一杯森永MOW雪糕做甜品，老婆要咗白桃味，味道唔算太甜，作為甜品啱啱好，而我要嘅宇治抹茶就有好濃郁嘅抹茶香味，啱晒我，可以消除食肉既油膩感
埋單每個人大約4百幾蚊，飽住個肚走，性價比好高！！
張貼
