影片
更多
2013-02-21
183 瀏覽
蛇年第一次食放題，同一大班好友團拜，本來想揀銅鑼灣滿屋，但因為分時段，而有d朋友收工晏，所以最後選擇左bubbles sushi，兩日前訂位本來話7位以上要落$500訂金，但我唔確定人數，話尋日覆佢，佢再打黎confirm知我7位以上但話可以唔駛落訂，方便客人一讚訂枱六點半，六點四到場即刻可以入去，場內只有一枱客人，環境好骨子，樓底夠高唔會好焗促，坐底同服務員講總數有8位，佢話可以轉頭再加多一張枱比我擺野(已有四張枱，可放8位)，再一讚有心服務由於朋友未到齊，先落少許魚生三文魚比想像中肥美，油甘魚勁厚切，甜蝦都好新鮮由於太肚餓，未等朋友黎再叫第二轉沙律同魚生鰹魚賣相一流，外層微微火烤，鮮蝦沙律配日式芝麻醬服務員表示人齊後可叫一個雜錦鍋，不須太早叫其他鍋物，再細心一讚朋友到齊後再有叫燒物、天婦羅，其中豚肉燒同大葱雞肉串最強差人意豚肉燒 - 過火超韌大葱雞肉串 - 火喉不夠，雞肉似烚多過燒其他驚喜日本甜薯(燒物) - 尤如一元硬幣般大的甜薯，入口超甜甘荀、蓮藕(天婦羅) - 天婦羅漿恰到好處，不硬不厚，又香脆蝦天婦羅同安格斯牛肉串值得推介(安格斯牛肉串表面看似燒得好乾，但實際都好juicy
訂枱六點半，六點四到場即刻可以入去，場內只有一枱客人，環境好骨子，樓底夠高唔會好焗促，坐底同服務員講總數有8位，佢話可以轉頭再加多一張枱比我擺野(已有四張枱，可放8位)，再一讚有心服務
由於朋友未到齊，先落少許魚生
三文魚比想像中肥美，油甘魚勁厚切，甜蝦都好新鮮由於太肚餓，未等朋友黎再叫第二轉沙律同魚生
鰹魚賣相一流，外層微微火烤，鮮蝦沙律配日式芝麻醬服務員表示人齊後可叫一個雜錦鍋，不須太早叫其他鍋物，再細心一讚
朋友到齊後再有叫燒物、天婦羅，其中豚肉燒同大葱雞肉串最強差人意
豚肉燒 - 過火超韌
大葱雞肉串 - 火喉不夠，雞肉似烚多過燒
其他驚喜
日本甜薯(燒物) - 尤如一元硬幣般大的甜薯，入口超甜
甘荀、蓮藕(天婦羅) - 天婦羅漿恰到好處，不硬不厚，又香脆
蝦天婦羅同安格斯牛肉串值得推介
(安格斯牛肉串表面看似燒得好乾，但實際都好juicy)
仲有壽司方面，食左蟹籽軍艦，紫菜脆，飯唔太大舊，唔係夾硬塞飽你，讚
因為後尾人齊掛住傾冇再影相，所以只有三幅
整體環境、服務同食物質素都係一流，唯一係價錢稍貴，6點-8點好似二百幾，6點至10點就328，我地8位，有1位係free，平均每人320左右，的確放題黎講係貴，但都算抵食。
張貼
