花水木日本料理 (已結業)

好耐冇食過日本o野 (因為去o左菲律賓)，所以，友人一call，即去睇下有咩日本放題可以勁食一餐，睇到花水木有優惠，又未試過，所以即刻book檯。一去到，又好似冇咩人，好似包場咁，唔通唔好食?!先o黎一碟嘜到要刺身，都幾新鮮wow~ 尤其馬刀背，好似有d似左口魚o既味道... 好難得放題有大大塊o既北寄貝食~因為有d熱氣，所以冇咩叫炸物，只係叫o左炸蠔，可惜唔好食，好油，d炸皮好硬，又同d蠔分體。銀雪魚好好味，西京燒得好入味，並唔係油魚 (因為食完冇痾~)，叫o左2碟食tim~燒物都唔差，尤其雞軟骨，不過雞翼就有d凍，唔以係即整咁~叫o左軟殼蟹手卷，好好食，係即整，所以d紫菜係好趣，唔淋~ d飯唔太多，配合得好好，可惜軟殼蟹仲有少少油，如果軟殼蟹再整好d會仲好~蟹子沙律太水，唔好食~ 個底仲有d生果，仲要係西瓜... 好古怪~蒸蛋好好食，唔會老，好傳統，好好食~http://hk.myblog.yahoo.com/ultrabearhk/article?mid=600