南北小廚

屋企兩老夜晩買左飛聽演唱會，我同老公就喺Poly訂左枱同佢地食晩飯。以前都隔中會來南北小廚，呢幾年就真係少左好多，一入到去就見到部長熟悉的笑容， 真係十年如一日。最難得係畢業N咁多年， 部長仲記得我先最窩心。


招牌肉餅 － 冇得頂！！肉嫩好汁又滑，送飯一流！

1

炸豆腐 － 皮脆豆腐心夠滑，入口即溶，好香豆腐味。

1

黃金蝦 － 香噴噴鹹蛋味，蝦又新鮮又爽身。

1

牛肉菜心 － 呢樣真係有驚喜！出街叫親牛肉片炒菜經常中伏，因為牛肉片成日好多粉，食入口好膠，丁點牛肉味都冇，但呢碟竟然有牛肉味之於仲好有質感，一個字正！

1

蝦醬炒生菜 － 蝦醬份量啱啱好，成碟菜好香好爽。

1

理工的南北小廚晩市要係職員先可以訂枱，價錢非常便宜，叫左咁多款餸再加多碟咕嚕肉，成餐埋單都係＄400左右！！