璞

營業中

休息中

博物館開咗咁耐，都係第一次嚟！順便食午餐～位於博物館入面嘅中菜館，中高價位，食物質素都有保證咁！一入到去，地方裝潢好闊落開陽，仲有落地玻璃窗！好舒服！先上一壺人蔘烏龍茶，味道有淡淡人蔘青香，冇平時飲茶嘅烏龍茶咁濃！蜜餞西班牙黑豚豬叉燒價錢比較貴，但係從佢用小火爐保溫，每一嚿厚切，肥瘦適中，真係唔同啲！加上，可以用紫蘇葉一齊食，中和油膩感，我自己好鍾意紫蘇葉，會覺得有一番層次！腿茸蘿蔔絲酥餅 ，層層分明是超酥脆，皮薄，入邊嘅蘿蔔絲爽嫩多汁！松茸菊花豆腐，顯現刀功，淡淡松茸香，豆腐嫩滑！