鼎爺私房菜 (已結業)

踏入冬天特別多喜慶節日，同家人聚首一堂食盆菜係不二之選.鼎爺私房菜今年推出咗「新春手工盆菜」，於冬至及農曆新年前後供大家訂購. 呢個盆菜適合六位食用，用咗好多矜貴嘅食材，多達十八款精選手工菜餚，每份都新鮮製作，加埋盆菜必備嘅古法秘製上湯汁，齋睇相都已經流口水🤤❣️以下幾款菜餚係我特別欣賞😉：🌟️ 花膠釀雲吞 花膠筒內釀入蝦膠、蝦仁同豬肉，餡料鮮甜，滿滿嘅膠質大滿足！🌟️ 肉蓉釀海參 海參釀咗墨魚滑、甘筍、馬蹄等等，出奇地夾，令到口感更豐富更有層次.🌟 龍穿鳯凰翼 唔好以為佢係普通雞翼，佢係已經預先去咗骨，再釀入甘筍同金華火腿，令雞肉更鮮甜.🌟 潮汕海蝦棗將海蝦打成蝦膠，炸至金黃丸狀，外脆內軟，粒粒彈牙.其餘菜式分別有：🌟原隻鮮鮑魚 🌟一品大瑤柱🌟茄汁大虎蝦 🌟阿爺靚豬腩🌟馳名醬油雞 🌟千足金豬皮🌟天津大甘栗 🌟發財炆支竹🌟荔甫靚芋頭 🌟古法炆蓮藕🌟精選甜蘿蔔 🌟包金黃芽白🌟一級鮮冬菇 🌟翡翠鮮豆卜非常足料，一啲都唔馬虎！下面嘅餸菜全部都吸收晒上湯汁嘅精華，好入味，送飯一流.