Nathanhouse (已結業)

朋友推介山林道有間不錯的西餐廳，今日經過見到裝潢都幾靚而且都幾舒服，最後就同先生決定食這間當晚餐，入面燈光唔會好光幾舒服，有音樂聽住而待應都幾清楚解釋食物，最後叫了蠔，二個主菜和配菜，價錢都可以，而食物質素是有驚喜。叫了東西後麵包來到是自家制，甜甜的又帶點咸幾好味喎。今日蠔有三款，最後選擇了日本蠔同法國蠔（miyagi and royal) ，前者清甜又爽口，後者比較濃一點蠔味，都是爽口感岩晒現在天氣食。之後叫的主菜也開始來了，五成熟的澳洲羊架有三件，羊肉質好嫩煮得很好仲有不少肉汁邊帶點焦好味道。另一款燒西班牙乳豬聽待應講慢煮再烤，入面豬肉質仲保持好滑又淋身而表的皮十分脆口配上炸的配菜和陳醋好清新，吾會覺得好油的感覺。配菜叫了三款，甜蕃薯條炸表面得夠乾身，入面吾乾仲幾甜，表面有少少咸好味，而且夠粗切所以口感十足。另一款我同先生都喜歡的煙肉小椰菜，加了蒜和煙肉仲香口又吾會好淋帶點爽口的口感。最後來的是蒜片炒意粉，一來已經十分香，意粉彈牙夾蒜片一起食更好。